Inilarawan ng isang marine scientist mula sa University of the Philippines (UP) na isang “ecological disaster” ang nangyari sa Escoda Shoal.
Ito ang lumabas sa kanilang scientific mission sa West Philippine Sea nitong mga nakaraang araw kasama ang Philippine Coast Guard (PCG).
Ayon kay UP Institute of Biology Professor Jonathan Anticamara, wala ng buhay na mga corals sa nasabing lugar.
Nagpakita rin ito umano ng malawakang coral bleaching, kung saan halos lahat ng mga corals ay nakaranas ng iba’t ibang stages ng pagkamatay.
