Magsasagawa na rin ng imbestigasyon ang Department of Justice (DOJ) at ang Department of Foreign Affairs (DFA) sa mga alegasyong isang Chinese spy si dismissed Bamban mayor Alice Guo.
Sabi ni DFA spokesperson Teresita Daza – mahigpit nilang mino-monitor ang naturang alegasyon laban sa dating alkalde.
Aniya, mananatili raw sa mandato nila ang pagprotekta sa ating national security.
Sinabi naman ni Justice Usec. Nicky Ty na nakikipag-coordinate na sila sa National Intelligence Coordinating Agency (NICA) at National Security Agency (NSA) para i-verify ang report.
Una nang pumalag si Guo sa naturang alegasyon.
Sinabi rin niyang idedemanda niya sina She Zhijiang at ang network na nagpalabas ng documentary na Al Jazeera.
