Kasalukuyan nang iniimbestigahan ng Department of Information and Communications Technology (DICT) ang insidente ng pag-hack sa website ng House of Representatives.
Ayon kay DICT Supervising Director for Information and Strategic Communications Division Aries Joseph Hegina, patuloy silang nakikipagugnayan sa HOR at kasalukuyang iniimbestigahan ang lawak ng nasabing insidente.
Aniya, magbibigay sila ng karagdagang update sa publiko sa sandaling maging available ang mga ito.
Sa ngayon, pinapayuhan muna ni House Secretary General Reginald Velasco ang publiko na maging maingat sa anumang kahina-hinalang email o komunikasyon na nagsasabing mula sa House of Representatives.
