KORONADAL CITY — MAYROONG mga checklist na ibinibigay ang Department of Education o DepEd Region-12 sa mga paaralan na gustong mag-apply sa pagsasagawa ng limited face-to-face classes pribado man o pampubliko.
Ito ang inihayag ni Deped-12 Information Officer Antonio Maganto sa panayam ng 95.7 Brigada News FM Koronadal.
Ayon kay Maganto, kailangan na magpadala ng letter of intent ang mga paaralan na gustong magsagawa ng limited face-to-face classes.
Ngunit nilinaw ni Maganto, na naka-dependende pa rin sa mga local government units o LGUs kung papayagan nila ang mga paaralan sa pagsasagawa nito.
Inihayag ni Maganto, na Department of Health o DOH padin ang magdedeklara kun maaaring makapagsagawa ng face-to-face classes ang isang paaralan o hindi.
Kailangan din umano na mapanatili ang pagsunod sa health protocols laban sa Covid-19.
