KABANKALAN CITY, Negros Occidental — Sa mga inoras sa diin yara na sa opisina ni Philippine President Ferdinand Marcos, Jr. ang hagna nga maga-tukod sang Negros Island Region (NIR), naga-sugod naman ang pag-dihon sang mga plano ang mga lideres sa probinsya kun diin iga-pahamtang ang mga regional offices sini.
Sa interview ni Brigada Boy Ciocon sa programa, Tira Brigada, gin-pahayag ni 6th District Representative Mercedes K. Alvarez, nga bilang isa ka miyembro sang Board of Regent (BOR) sang Central Philippines State University (CPSU), willing man ini nga maghatag sang porsyon sang duta para sa mga ahensya sang gobyerno nga pwede ipatukod diri, sa tion nga mangin isa na ka layi ang NIR bill.
“Being a member of the board of regents, kabalo mana ang mga government offices naton nga willing ang CPSU to host any agency nga okay didto,” pahayag sang mamalidha.
Nahibalu-an nga ang CPSU ang may yara sang masobra 4,000 ka ektaryas sang duta nga napahamtang sa Barangay Camingawan, padulong sa porsyon sang Barangay Tagukon, sa syudad sang Kabankalan.
Pag-laragway pa ni Alvarez, nga ang lugar ang makabig nga “very practical” bangud malapit lang ini sa probinsya sang Negros Oriental.*
READ: President Marcos Jr. may yara lamang 30-diyas agud permahan ang NIR bill — Benitez
