KABANKALAN CITY, Negros Occidental — Sa gin-patigayon nga pagsinapul sang Western Visayas Regional Development Council (WVRDC), sang tinalikdan nga adlaw, Mayo 27, na-estoryahan nga posible mapermahan na ni Philippine President Ferdinand Marcos, Jr. ang Senate bill nga nagatukod sang Negros Island Region (NIR)
Suno kay WRDC chairperson kag Bacolod mayor Albee Benitez, may yara lamang sang 30-diyas ang presidente agud permahan ang NIR bill para mangin isa na ini ka laye.
Nahibaluan nga sang Mayo 13, yara na sa opisina sang presidente ang nasambit nga hagna, kag ang deadline sini amo sa maabot na nga Hunyo 13, subong nga tuig.
Dugang pa kay Benitez, sa tion nga aprobahan na ang hagna, may yara sang 60-diyas agud mag dihon sang Implementing Rules and Regulations (IRR) ukon pagsulondan sa amo nga laye.
Ang pagsinapol ang gin-inisyar agud hisgotan ang mga nagkalain-lain nga plano, sa tion nga mangin Pina na ang pagtukod sang NIR, nga pagalakipan sang probinsya sang Negros Occidental, Negros Oriental, kag Siquijor.*
