GIKUMPIRMA ni Antonio Veneracion, chief operating officer sa St. Elizabeth Hospital sa GenSan nga ubay ubay pa nga mga claims nila sa PhilHealth ang wala nabayaran.
Sa bana bana ni Veneracion sa sobra 900 ka mga claims, maihap lang sa tudlo ang gibayran kanila, so far.
Pipila sa rason matud pa ang nahitabong imbestigasyon sa Kongreso sa PhilHealth, ingon man ang three payment audit ug sa kakulang matud pa sa tawo sa PhilHealth nga magproseso.
Aminado usab si Veneracion nga adunay gibanabanaan niining 50 kapin nga claims sa PhilHealth apan giklaro nga ligdong ug wala silay hocus focus nga ginahimo.
Gumikan sa kalangan sa pagbayad kanila, giangkon ni Veneracion nga naglisod na sila sa cash position ug dili masulti hangtud kanus-a nila kini kayanon.
