Gina dakup it Land Transportation Franchising and Regulatory Board (LTFRB) 6 ag High-way Patrol Group (HPG)-Aklan ru mga naga byaheng colorum na saeakyan.
Suno sa pahayag ni Mr. Ryan Nueva it LTFRB6 sa BRIGADA News FM Kalibo, maga sentro sa anti colorum nga mga saeakyan ru operasyon partikular ru uwa’t franchise, may franchised man pero naga byahe sa bukon it jurisdiction ag pribadong saeakyan nga naga byahe.
Gin taw-an it buga-at ni Nueva nga gina pasugtan eon nga bue-on ru mga plastic barriers sa sueod it mga saeakyan.
Sa makron, daywa pa eamang nga mga saeakyan nga nadakop sa operasyon ag paga taw-an pa it chansa nga mai settle.
Pero kun indi pweding ma settle hay iga deritso eagi sa LTFRB 6 impounding division sa syudad it Iloilo.
Padumdom it LTFRB6 sa mga pasahero nga siguraduhong may franchise ru gina sakyan nga mga saeakyan agud may habol ingkasong matabo ru uwa naton gina pangayu-a nga sitwasyon.//MARIVIC Y. ILIN
