Umani it maeain-eain nga reaksyon ro viral video it sangka chess-playing robot nga naging bayolente ag ginbali ro tudlo it 9-anyos nga unga nga laeaki nga kontra kara.
Natabo ro kahiwatan sa sangka chess tournament sa Moscow, Russia.
Makita sa video nga tatlo ka referee ro nagbulig sa unga kung siin ginbu-oe nanda halin sa pagdakma it robot ro tudlo, naging rason raya para ma-fracture ro pila ka parte it tudlo.
Base sa Moscow Chess Federation, nag-malfunction ro robot ag nalito eamang raya bangud madasig maghueag ro alima it unga nga kontra kara.
Sa pihak kara, uwa nagpatinag ro unga nga laeaki ag bisan pa nag-angkon raya it injury naghampang gihapon imaw sa masunod nga adlaw pero may kaibahn eun nga assistant./JIL B. LACSON
