KORONADAL CITY — NAGSAGAWA ng Deed of Donation at Memorandum of Agreement o MOA signing ceremony ang City Government ng Koronadal at Professional Regulatory Commission o PRC-12 kahapon.
Ang seremonyang ito ay dinaluhan ng ilang mga opisyal ng PRC at ng lokal na gobyerno ng Koronadal.
Ito ay may kaugnayan sa pagpapatayo ng 7-story building sa Prime Regional Center ng Region-12 para sa PRC.
Ang naturang proyekto ay pinondohan ng P100-Million sa ilalim ng General Appropriations Act of 2022.
Pinasiguro naman ng lokal ng gobyerno ng Koronadal ang suporta para sa naturang gusali.
Pangungunahan naman ng Department of Public Works and Highways o DPWH-12 ang konstruksyon ng proyekto sa loob ng 320 na araw.
