Kinumpirma na rin ni Cavite Gov. Jonvic Remulla na naka-abot na sa Cavite ang oil spill mula sa lumubog na tanker sa Bataan.
Sa isang social media post, sinabi ni Remulla na apektado na ang coastal barangays mula Ternate, Maragondon, Naic at ilang bahagi ng Tanza.
Sa ngayon, papunta na raw ang kanilang team para magbigay ng assistance sa mga apektadong residente.
Una na ring kinumpirma ng PAMALAKAYA at ng Greenpeace na naka-abot na sa Cavite ang oil spill.
