Muling nagpasalamat si Senate Committee on Ways and Means, Chairperson, Senador Win Gatchalian sa lahat ng law enforcement agencies na tumulong sa pag-raid sa mga mga iligal na Philippine Offshore Gaming Operator (POGO) sa bansa.
Ngunit sa kabila nito, sinabi ni Gatchalian na hindi pa rin siya kuntento tungkol dito bagamat kinikilala niya ang sakripisyo at pagbubuwis ng buhay ng mga ito.
Anya, para sa kanya, importanteng makulong pa rin ang mga taong nasa likod nito at mapanagot sa ilalim ng batas.
Maalala, nanawagan sa naging pagdinig ngayong araw si Senador Jinggoy Estrada sa ilang law enforcement agencies na tiyakin ang paghuli kay Mayor Alice Guo sa loob lang ng isang buwan upang hindi maapektuhan ang kanilang budget.
