Nag paliwanag sa BRIGADA News FM Kalibo si Brgy. Capt. Rafael Briones angot sa temporaryong pagbaton sa mag-asawa sa bakanteng ilistaran sa National Housing Authority (NHA) it Barangay Briones, Kalibo.
Suno kay Briones, gin padaeahan imaw it show cause order dahil sa pag baton sa hinyo ni Mrs. Edita Villorente it Brgy. Manika, Libacao, Aklan.
Temporaryo anay konta nga maga-estar sa NHA ru mag pamilyang Villorente dahil sa makaeoeo-oy nga sitwasyon ag sambilog man nga naga trabaho sa housing project ru mister.
Tawhanon nga baeatyagon ru naging rason kun ham-an it gin baton it barangay kapitan nga anang gin kasubo matapos mai-reklamo it pilang ka mga recipients.
Gin kasubo man it mag-asawang Villorente ru pagka daeahig it barangay kapitan sa nasambit nga issue.
Kun matandaan, gin reklamo’t LGU-Kalibo si Brgy. Capt. Rafael Briones matapos ru maid-id nga imbistigasyon.//MARIVIC Y. ILIN
