Gipatas-an pa sa Bureau of Customs-Port of Davao ang target nga koleksyon karong 2022 nga gitakda sa P40B human nakab-ot ug nalagpasan pa sa buhatan ang target collection sa milabayng 2021.
Sumala kang BOC-Davao District Collector Atty. Erastus Sandino Austria, tungod sa dos porsyento nga usbaw ug P735.35 million surplus nga kita, gisaka ang target gikan sa assigned target.
Ang P 37.99 billion pesos nga koleksyon sa miaging tuig gikan matud pa sa duties ug taxes, nga taas tandi sa P37.24 billion target para sa 2021.
Positibo hinoon ang opisyal nga masakmit sa buhatan ang target collection nunot usab sa maayong pagpatuman sa balaud, hugot nga pagbantay sa mga pantalan kontra sa pagpayuhot og kontrabando, lakip na ang physical inspection batok sa misdeclaration sa mga shipment.
