NAGA CITY- Magkakaroon ng Blood Donation Drive sa Naga City, ito ay upang mapunuan ang pangangailangan ngayon ng supply ng Bicol Medical Center Blood Bank.
Inanyayahan ni City Events Protocol and Public Information Office (CEPPIO) Chief Allen Reondanga ang publiko na makiisa sa aktibidad sa Enero 12 at Enero 19 , mula alas-otso ng umaga sa City Hall Grounds. Magkatuwang sa aktibidad ang Bicol Medical Center at Naga City Blood Council.
Araw-araw marami ang pasyente sa BMC na noon ay konsideradong pang rehiyong ospital. Nakakarating rito pati ang mga taga probinsya ng Quezon.
