Gina-rekomendar ku Konseho it Banwang Kalibo sa Bureau of Fire Protection – BFP Kalibo nga tur-an it Basic Fire Fighting Techniques ro tanan nga mga Student – Athletes kaeakip man ro mga lider it mga pampubliko ag pribadong eskwelahan sa banwa it Kalibo.
Ginpaabot ni SB Member Matt Aaron P Guzman, nga may mga tiempo nga malisud maka-responde ro mga Fire Fighters pero kung antigo ro mga estudyante sa pagtapna it kaeayo hay maga-hagan-hagan ro mangin kasamaran.
Ginrekomendar man ni Punong Barangay Niel Candelario ag Ex – Officio Members it Sangguniang Bayan nga kung pwede hay ipabahin man ro mga manugturo sa Basic Fire Fighting Techniques. // ANN DESLENE SALAZAR
