Nakatakdang magsagawa ng aerobatic show ang “Black Eagles” Aerobatic team ng ROKAF o Republic of Korea Air Force, sa Basa Airbase sa Floridablanca Pampanga sa darating na Lunes August 15.
Inaasahang gagamitin ng aerobatic team ang kanilang mga T-50B Golden Eagle Super-sonic Aircraft.
Kilala ang Black Eagles sa buong mundo dahil nakapag sagawa na sila ng mga airshows sa ibang bansa tulad ng United Kingdom, Poland, at Egypt.
Sa anunsyo ng Philippine Air Force, isasarado na sa publiko ang airbase sa August 13 para sa rehearsal hanggang sa mismong araw ng airshow proper.
Sa mga nais makapanood nito, magkakaroon ng livestreaming sa Philippine Air Force at 5th Fighter Wing official Facebook pages.
