NUMANCIA, AKLAN—Arestado sa ginpatigayon nga drug buy bust operation do sangka 18 anyos nga binatilyo sa Brgy. Poblacion, Numancia, Aklan.
Ginkilaea raya nga si alias “JM” ag residente it Brgy. Badio, Numancia.
Sa nasambit nga operasyon, nabak-ean it daywang ka sachets it ginapatihan nga shabu do suspek kabaylo it Php 4,000.00 nga buy bust money ag apat nga pa gid nga ka-sachets it illegal nga droga do narecover kana it mga pulis sa ginpatigayon nga body search.
Ginapahayag it Provincial Drug Enforcement Unit nga makapilang beses sanda nga naghana ang madakpan do suspek apang masyado nga madahan raya sa pakikipag-transaksyon.
Nasayuran nga ginapaagi kara sa online do anang pakikipag-transaksyon sa mga nagabakae kana it droga.
Samtang, nakataeana nga daehon ro suspek sa Iloilo agud nga ipa drug test kun sa siin nakataeana man raya nga pasakaan it kasong pag-eapas sa RA 9165 ukon Comprehensive Dangerous Drugs Act of 2002. // SHERRY ANNE REUNIR-VIDAL `
