KALIBO, AKLAN—Bangud sa padayon gihapon nga nagasinaka do kaso it coronavirus disease sa probinsya it Aklan, nagpaguwa it abiso si Aklan Governor Florencio Mirafores angot sa pagpaeawig it implementasyon it Executive Order No. 005-D with modifications.
Nakabaehag kara nga do tanan nga nagasueod nga indibidwal sa probinsya it Aklan maghalin sa guwa it Western Visayas ukon do point of entry hay mainland Aklan kamana man do mga turista maghalin sa Region 6 hay kinahangean nga magsumite it negative nga RT-PCT test result.
Ginabawae sa gihapon do indoor dine-in sa mga food establishment apang ginapasugtan do outdoor dine-in basta ginasunod do minimum health standard protocol.
Do mga accredited hotels/accommodation establishment hay ginapasugtan man nga magserbe it aeak ukon alcohol beverages apang raya hay para eamang sa andang mga in-house guests.
Samtang, ginmanduan it provincial government do mga LGU’s nga magbaeay it ordinansa ag hugot raya nga ipatuman kamana man kinahangean nga mag-angkon it paearehong penalidad sa mga maga-eapas sa minimum health standard protocol. // SHERRY ANNE REUNIR-VIDAL
