LEGAZPI CITY – Inihayag ng Legazpi City Tourism na mas mataas ang bilang ng mga turistang pumasok sa lunsod sa taong 2021 kumpara noong 2020.
Sa panayam ng Brigada News FM Legazpi kay Head of Legazpi City Tourism Angela Marie Pacres, sinabi niyang muling tumaas ang COVID-19 alert level sa Legazpi noong unang kwarter ng 2021 kung kaya’t ang mga nakatalang bumisita ay pansamantalang ipinagliban.
Umaasa silang bumaba na ang COVID-19 alert level status ng nasabing lunsod mula Marso 16.
Dagdag pa niya, ang kanilang opisina ay magpupulong upang siguraduhing 100% handa ang lunsod sa muling pagbabalik sigla ng turismo dito.
