Patay ang anim na taong gulang na bata sa Bgy.Mangan-Vaca sa bayan ng Subic, Zambales matapos magpositibo sa dengue.
Base sa tala ng Municipal Health Office, ang bata ay kabilang sa pitumput limang kaso ng dengue mula buwan ng Mayo ngayong taon.
Ayon kay Municipal Health Officer Dr. Nadjimin Ngilay, malaki ang tiyansa na hindi agad naipakonsulta sa doktor o health center ang pasyente hanggang sa lumala at mamatay.
Payo ni Ngilay, kapag humigit na sa dalawang araw ang lagnat ng kaanak ay dalhin na sa health center o ospital para matignan kung dengue nga ang karamdaman.//Christian Andres-BNFM OLONGAPO
