PINAAGI sa eleksyon ug dili succession sa muhulip kang Mayor-elect Lorelie Pacquiao isip presidente sa liga ng mga barangay ug magsilbing ex officio member sa Sangguniang Panlungsod.
Kini ang giklaro ni Kagawad Atty. Franklin Gacal Jr. nga klaro matud pa sa balaod ug mas nagpatigbabaw kini sa constitution and by laws nga succession ang mahitabo.
Matud ni Gacal nga anaa sa mga miyembro sa liga ang pagpili pinaagi sa eleksyon isip puli kang incoming mayor Lorelie-Pacquiao.
Dugang niini bisan magpuli si Kapitan Rolito Blando, isip bise presidente sa liga, kinananglan mag-eleksyon gihapon aron madetermina kinsa ang mahimong ex-officio sa Sanggunian.
Samtang sa December 5 kung madayun ang eleksyon sa barangay, kung kinsa na usab ang mabotohan nga presidente, mao na usay maglingkod isip bag-ong ex-officio member.
Unang giangkon ni Gacal nga alang sa PCM si Kapitan Pao Natividad ang maoy gipilian nga mahimong hulip kang Mayor-elect Lorelie Pacquiao isip presidente sa liga ng mga barangay sa GenSan.
Si Mayor Pacquiao ang midaog sa bag-uhay nga eleksyon ang nagsilbing Presidente ng Liga ng mga Barangay sa GenSan ug nahimong ex officio member sa SP nga maoy iyang bakantehon sa higayong mulingkod na isip bag-ong mayor sa GenSan sa Hunyo 30.
