LEGAZPI-Hawak na ng mga awtoridad ang isang barbero matapos magpositibo ito sa drug buy-bust operation sa Purok 2, Brgy. Mariroc, Tabaco City.
Kinilala ang suspek na si Alberto Bodoso Bonavente, a.k.a “Al”, 44 anyos, residente ng nasabing barangay.
Ayon sa report, hapon ng isagawa ng mga kapulisan ang Anti-illegal Drug Operation sa lugar nang pagbentahan nito ang poseur buyer ng isang small heat-sealed transparent sachet na may laman na pinaniniwalaang shabu sa halagang P2K.
Ang suspek ay nasa kostudiya na ng pulisya para sa kaukulang disposisyon habang inihahanda naman ang kasong isasampa na RA 9165 o Comprehensive Dangerous Drugs Act of 2002.
