-Reymund Titong
(1st UPDATE) KABANKALAN CITY, Negros Occidental — Naglambot sa 3.87 milyones pesos ang balor sang nakumpiskar nga illegal nga sigarilyo nga na intercept sang Philippine Coast Guard (PCG) sa banwa sang Ilog, sang Hulyo 9.
Yara na sa paghinakop sang Bureau of Internal Revenue (BIR) ang 155 ka karton ukon 77, 500 tanan ka mga pakete sang sigarilyo nga na intercept gamit ang isa ka kumpit nga gikan sa Mindanao sang PCG kag bantay dagat sang banwa.
READ: 155 ka karton sang sigarilyo gikan sa Basilan, na intercept sa kadagatan sang Ilog
Sa interview sang Brigada News FM-Kabankalan kay Coast Guard Southern Negros station commander Lieutenant Carla M. De Guzman, iya gin-pahayag nga na-turn over na sang ila opisina ang mga sigarilyo sa BIR sa syudad sang Bacolod sang Hulyo 10.
Sa karun, naka-detain na sa Ilog municipal police station ang apat ka tripolante, sa diin lakip ang isa ka Malaysian national kag maga-pangatubang sang kaso nga paglapas sa Tax reform law.
Nahibaluan man nga pag-abot sang mga katapo sang BIR sa lugar, wala ginpahanugotan ang mga miyembro sang media nga mag dokumento kag mag cover sa inisipay sang mga sigarilyo. Sa baylo, nagpinuli nalang sa ila tagsa ka mga estasyon.
READ: BIR, wala na sikyar ang mga sigarilyo sa adlaw nga na intercept ini sa Ilog
Madumduman man nga na-delay sa pagkadto ang mga katapo sang BIR sang halos 24 oras, bangud sa mga rekitos nga kinahanglanon e-comply sang ila ahensya, antis nagpadulong sa banwa. *
