BIR, wala na sikyar ang mga sigarilyo sa adlaw nga na intercept ini sa Ilog

-Reymund Titong

KABANKALAN CITY, Negros Occidental — Wala na sikyar sang mga katapo sang Bureau of Internal Revenue (BIR) ang mga sigarilyo nga na-intercept sa kadagatan sang banwa sang Ilog, adlaw sang Martes, Hulyo 9.

Pahayag ni Ilog police chief major Joseph Partidas, wala naka abot ang mga katapo sang BIR sa mismo nga adlaw nga na-intercept sang Philippine Coast Guard (PCG) ang kinarton nga mga sigarilyo nga gikan sa Mindanao.

Dugang pa ni Partidas, nga ang komunikasyon ang yara sa tunga sang PCG kag BIR, kag ang wala pag-abot sang BIR ang nag resulta sa wala man pagka-detain sang mga tripolante sang sakayan.

Suno kay Partidas, wala sila gahum nga arestuhon kag e-detain ang apat ka mga tripolante sang kumpit bangud wala sila ang basehan nga dakpon ini, magluwas nalang kun yara sila sa lugar kag ila na kumpirmar nga may paglapas sang nagakaigo nga laye ang mga persona.

Ginalauman naman nga subong nga adlaw maga-padulong sa banwa sang BIR para sekyaron ang mga kargamintos nga na-intercept kag agud ma-umpisahan naman ang nagakaigo nga pagpasaka sang kaso.*

Leave a Reply

Your email address will not be published. Required fields are marked *