155 ka karton sang sigarilyo gikan sa Basilan, na intercept sa kadagatan sang Ilog

-Reymund Titong

ILOG, Negros Occidental — Tigayon nga na intercept sang Philippine Coast Guard kag Bantay Dagat ang isa ka kumpit nga may karga sang 155 ka karton sang sigarilyo kag apat ka tripulante, ginabulubanta 2-3 kilomteros gikan sa shoreline sang Barangay Andulauan, banwa sang Ilog, pasado las-12 sang udto, adlaw sang Martes, Hulyo 9.

Sa impormasyon nga nakuha sang Brigada News FM-Kabankalan, nag-gikan ang kinarton nga sigarilyo sa sa syudad sang Isabela sa Basilan, kag nakuha lamang nila nga mag padulong sa banwa sa isa lamang ka gab-e, antis sila na-monitor sang maga lokal nga panug-pangisda kag gin-report sa PCG, kag didto na natigayon nga na intercept ang sakayan.

Matapos nga na intercept, gin-guyod sang PCG kaupod ang Bantay Dagat sang Ilog ang kumpit sa suba sa Sitio Malabong, Barangay 2, sa amo man nga banwa, bangud mahapos kag malapit ini sa karsada.

Ginkilala ang mga tripolante kay Junior Mahalai, 31-anyos, Plong Ibnain, 18-anyos, Suije Toni, 19-anyos, kag Adzwan Mohammed, 20-anyos. Apang ang mga nasambit nga pangalan ang igakumpirmar pa sang mga kapulisan bangud wala dala nga mga identification cards (IDs) ang mga tripolante.

Suno kay Junior Mahalai, nagbulos-bulos lang sila drive sang kumpit gikan sa Basilan para madul-ong ang mga kargamintos sa banwa, nga diri naman pagapatigayunon ang transaksyon. Apang, wala ini ginsambit kun sin-o ang makuha, san-o kuhaon, kag balor sang mga kargamintos.

Sa karun, paga-sekyaron pa sang Bureau of Internal Revenue (BIR) ang mga kargamintos bangud sila lang ang may otoridad kag mandato sa paglantaw kun peke kag illegal ang mga sigarilyo nga na-intercept sa banwa.*

Leave a Reply

Your email address will not be published. Required fields are marked *