Albay, padagos na nangengenot sa may pinakadakol na kaso nin pertussis sa rehiyon kan Bicol

LEGAZPI CITY – Padagos na nangengenot an probinsya kan Albay sa may pinakadakol na kaso nin pertussis o “Whooping cough” sa rehiyo kan Bicol.

Basado sa pinakahuring datos kan Department of Health (DOH) Bicol puon Enero 1 hasta Hulyo 6, 2024. Sa kabilogan, sa 110 na kaso sa rehiyon, 44 digdi an nairehistro sa Albay kun sain 11 digdi an laboratory confirmed asin 33 an clinical case, mantang puminangaduwa digdi an probinsya kan Camarines Sur na may 31 kaso, 29 sa Sorsogon, parehong tulo sa Camarines Norte asin Masbate dangan mantenido man na wara ki siring na kaso sa Catanduanes.

Sa ngonian, nasa tulo na man an nagadan dahil sa nasambit na helang, hale sa mga probinsya kan Camarines Norte, Camarines Sur asin Masbate. Katakod kaini, padagos man an pag-enganyar kan ahensya na kumpletuhon an tulong doses kan Pentavalent Vaccine o 5 in 1 Vaccine.

Leave a Reply

Your email address will not be published. Required fields are marked *