CAMARINES NORTE- Bumaba sa 6.25% ang average daily attack rate ng COVID-19 sa bayan ng Daet, Camarines Norte sa pagtatapos ng buwan ng Enero, 2022
Ito ay matapos ang pagsirit ng mga naitatalang bagong kaso ng COVID-19 sa naturang bayan sa unang tatlong linggo kung saan umabot ang ADAR nito sa mahigit 11%
Ngunit sa kabila nito, nakapagtala pa rin ng 160 active cases ang naturang bayan sa pinakahuling report ng Daet IMT sa pamamagitan ng kanilang emergency operations Center na may petsang February 01, 2022
90 dito ay nagpositibo sa RT-PCR habang 70 ang nagpositibo sa Rapid antigen test
Umaabot naman sa 169 ang mga pasyenteng tuluyan ng gumaling sa sakit
Nananatili naman sa 66 ang nasawi na positibo sa COVID-19 habang 35 ang nasawi na COVID Pneumonia Suspect o probable
Ang naturang mga bilang ay mula sa 1,325 total cases na naitala sa bayan ng daet simula ng maranasan ang pandemya at bukod rito may 382 pa na under monitoring ang EOC
Sa latest datus na ipinalabas ng EOC, makikita na kabilang sa high risk on COVID-19 cases ang mga Barangay ng I, III, V, VIII, gayundin ang Alawihao, Borabod, Dogongan, Lag-On, Camambugan, Magang, Mancruz at Gahonon
Nasa high risk area din ang mga Barangy ng Bibirao, Calasgasan, Gubat, at Bagasbas
Habang nasa moderate risk naman ang mga Brgy II, IV, VI, San Isidro, Cobangbant at Mambalite
at tanging ang Barangay Awitan lamang ang nasa low risk area
