Inanunsiyo ni Tampa Bay Buccaneers quarterback Tom Brady ang kanyang pagreretiro sa National Football League matapos ang 22-taon.
Sa kanyang post sa instagram nakasaad na hindi na siya sasabak sa ‘competitive commitment’.
“I have always believed the sport of football is an ‘all-in’ proposition — if a 100% competitive commitment isn’t there, you won’t succeed, and success is what I love so much about our game,” bahagi ng statement ni Brady sa Instagram.
Si Brady ang itinuturing ng marami bilang ‘greatest quarterback of all-time’ sa kasaysayan ng NFL, nasungkit nito ang pitong Lombardi trophies, ang pinakamaraming championship na napanalunan ng isang manlalaro, kasama ang limang Super Bowl MVP.
Marami ding binago si Brady sa NFL record book sa kanyang personal at team accomplishments.
Kabilang na dito ang career records na most touchdown passes (624) at most passing yards (84,250) sa kanyang 22 seasons– kung saan 20-taon dito ay iginugol niya sa New England Patriots.
=======
