Kinumpirma ng Bureau of Fire Protection na apat na tauhan nito ang sinibak sa pwesto.
Ito’y makaraan mag viral sa social media ang paggamit umano ng fire truck ng BFP sa pang-refill ng tubig sa isang private pool sa Taytay, Rizal.
Sa mensahe na ipinadala sa Brigada News Fm Manila ni BFP Spokesperson Fire Supt. Annalee Atienza , kabilang sa apat na sinibak ang kanilang hepe.
Pansamantalang inilipat ang mga ito ng ibang fire station habang nagpapatuloy ang imbetsigasyon.
Nauna nang ipinag-utos ni Interior Sec. Benhur Abalos Jr. ang malalimang imbestigasyon hinggil dito.
Nanidigan naman ang BFP na hindi nila kukunsintihin ang ganitong kalseng gawain ng kanilang mga opisyal at tauhan at kung sakaling mapapatunayang nagkasala ang mga ito ay siguradong makakatanggap sila ng kaparusahan.
