-Reymund Titong
KABANKALAN CITY, Negros Occidental — Tigayon nga na rekober sang kapulisan ang nagkalain-lain nga armas-luthang kag ginapatihan shabu nga naga balor sang P100,000 sa duwa ka adlaw nga operasyon sang kapulisan sang Hulyo 26-27.
Sa banwa sang sang Enrique, natigayon nga na-aresto ang duwa ka drug suspects sa Pescadora street, Barangay Poblacion, sa diin nakuha ang duwa ka ginapatihan shabu nga may standard drug price nga P13,600 kag P720 nga cash kaag iban pa nga mga buy-bust item.
Samtang, dakop man ang isa ka 31-anyos nga babayi sa isa ka buy bust operation sa Sitio Dapdap sa Barangay Lantad sa syudad sang Silay, sa diin na rekober ang 13 ka gramos sang gina-suspetsuhan shabu kag may market value onga P88,400, kag marked money nga P2,800.
Sa piyak nga bahin, duwa pa gid ka mga drug suspects sa Escalante kag Calatrava ang natigayon nga nadakpan kag nakuhaan sang 23 ka sachets sang suspected shabu nga P5,000, kag P1,000 nga marked money.
Dugang pa, sa Purok EDC sa Barangay Mailum, sa syudad sang Bago, duwa ka mga trabahador ang gin-aresto bangud sa alarm and scandal kag pagka-rekober sang .38 rebolber nga may apat ka ammunition, homemade 12-gauge shotgun, kag improvised gun kag kutsilyo.*
