Nagapangatubang sang sampaw-sampaw nga kaso ang agi nga manugtunyo nga kilala sa tawag nga si alyas Tanya.
Matandaan, kahapon nga adlaw sang Miyerkules, Hulyo 24, natigayon ini nga mapasakaan sang kaso nga Theft kag Trespass to dwelling. Magluwas sina may yara pa ini sang duha ka kaso sang ESTAPA nga naka-pending.
Nahibaluan, ang mga nabiktima ni Tanya ang nagpadulong na sa Roxas City Police Station kag nag-file na sang complaint bangud nahulog ang kaso sini sa regular filing. Kahapon nga adlaw, ginhilway sa prisohan si Tanya kag ang iya kaupod nga si Rosalie matapos nagtakop ang ila reglementary period of detention. | Judy Ann Juare
