Pagpapalaog nin mga ruminant animals gikan sa mga probinsya kan Pampanga asin Marinduque, paramientras na pigbawal sa Albay dahil sa banta nin Q fever

LEGAZPI CITY – Paramientras na pigbawal kan Gobyerno Probinsyal kan Albay (PGA) an pagpapalaog sa probinsya kan Albay nin mga ruminant animals gikan sa mga probinsya kan Pampangga asin Marinduque dahil sa banta nin zoonotic diseases o Q Fever.

Segun sa PGA, ini subuot parte kan prevention asin control na pigsasagibo ngonian sa probinsya, para dai nin makalusot o makalaog na mga hayop na igwa ninsiring na helang kun sain pwedesir subuot ining makaulakit.

Ini matapaos na makapagrehistro nin primerong kaso kan nasambit na helang sa mga hayop sa nasambit na duwang magkaibang probinsya segun mismo Department of Agriculture (DA).

Ini basado man sa ipigpaluwas na Executive Order No. 40 series of 2024, kun sain sa irarom kan Section 16 kan Republic Act No. 7160, o mas midbid na Local Government Code of 1991, dapat subuot na maasigurar kan lokal na gobyerno an seguridad kan mga nakaistar sa saindang mga lugar.

Dahil digdi, temporamenteng pig-ban an paglaog kan mga ruminant animals kaibahan na an mga karabao, baka, kambing, asin tupa asin dakol pang iba basta hale sa nasambit na mga probinsya. Kukumpiskaron man subuot an Return to Origin (RTO) kan gabos na mga shipments kun an mga ini mahilingan na may karga kan nasambit na mga hayop.

Leave a Reply

Your email address will not be published. Required fields are marked *