GIMANDO sa labaw sa kapulisan sa rehiyon-12 sa mga labaw sa police offices nga sutoan ang mga aktibidad sa mga personahe.
Kini dungan sa pagsikop sa tulo ka pulis sa Bulacan human gilambigit sa pagpanulis sa usa ka negosyante sa lugar.
Lakip na sa gibuhiang pamahayag ni Police Lt. Col Jovie Espinedo nga ang PNP organization ang pinakadakong “crime group” sa nasud.
Matud ni Police Col. Nicomedes Olaivar Jr., director sa Genera Santos City Police Office (GSCPO) gimanduan na sila sa OIC Police Regional Office (PRO) 12 Brig. Gen. James Gulmatico.
Sa pagsuta sa aktibidad sa mga personahe aron malikayan ang susamang panghitabo asa gilambigit ang pulis sa krimen.
Luyo niini, gisiguro ni Olaivar Jr. nga walay personahe ang GSCPO nga lambigit sa unsa mang criminal activities. I Richel Gubalani
–
