GIBALIK na sa General Santos City Police Office (GSCPO) ang naa sa 75 ka pulis nga una nang gipadala sa Davao City isip kabahin sa arresting team kang Kingdom of Jesus Christ (KJOC) leader Apollo Quiboloy.
Sa impormasyon gikan mga pulis nga tua karon sa Davao City, gikan sa 400 plus personahe nga gipadala gikan sa Police Regional Office (PRO) 12. Naa na lang sila sa kapin kulang 300 human gipauli sa GenSan ug North Cotabato ang ubang kauban nila aron mobantay sa seguridad sa mga aktibidad sa gihimong festivities sa maong mga lugar.
Wala man mihatag og recorded statement sa media si Brig. Gen James Gulmatico, OIC sa PRO-12 sa gipagula nilang statement sa FB page. Gisiguro niini ang paghatag og suporta sa gihimong lakang karon sa kapulisan sa Davao City aron masikop ang “son of GOD” nga si Quiboloy. Kahibaloan nga naa sa napulo kaadlaw ang mga pulis gikan sa PRO-12 sa Davao City alang sa maong tumong. I Richel Gubalani
–
