TANGGONG ang usa ka lalaki human sa pakyas nga pagpangawat og wire sa tower sa telecommunication company sa GenSan.
Sa report sa Pendatun Police Station, alas-4:38 sa kadlawon Sabado dihang nadakpan si alyas Harold sa sekyu nga misulay og kawat sa barbed wire ug CCTV wire sa maong kompanya.
Sa pamahayag sa dinakpan, igo lang siya gihimong look-out ni alyas Gaspar ug usa ka kauban niini sa giplanong pagpangawat.
Dungan sa pagmahay niini, nanawagan kini sa mga kauban nga mopatim-aw usab. Kasong maliscious mischief ug trespassing ang kasuhang ipasaka batok sa dinakpan.
Samtang una nang gibutyag ni Police Lt. Col Rexor Jake Canoy, chief sa investigation section sa GenSan City Police Office (GSCPO) nga gilaoman nila ang pagsaka sa kaso sa kawat sa pagsulod sa “ber months”. Sa ulahing datus sa GSCPO, naa sa 87 ang kaso sa kawat nga natala gikan Enero 01 hangtud Agosto 1,2024 taas tandi sa 63 kaso nakalabay’ng tuig sa susamang panahon. I Richel Gubalani
