Tumambad ang wala nang buhay na katawan ng isang 82 anyos na lola sa tabing dagat ng Purok Damayan, Brgy. Panacan 2, Narra, Palawan bandang alas-otso ngayong umaga.
Ayon sa Narra PNP, nakilala ito na si Rosalita Combras Noquera na residente sa Purok Damayan.
Base sa imbestigasyon at ayon sa anak nito, palagi umanong pumupunta ng tabing dagat ang ina tuwing umaga kaya hinala niya ay posibleng nalunod ito.
Samantala, napag-alaman din sa kaanak ng PNP na may iniindang sakit ang yumaong matanda.
