Kinumpirma ni Presidential aspirant Panfilo Ping Lacson na tatakbo sa pagka-senador ang kare-retiro pa lamang na si dating PNP Chief Gen. Guillermo Eleazar.
Ayon kay Lacson tatakbo si Eleazar sa ilalim ng tambalan nila ni Senate President Tito Sotto.
Papalitan umano ni Eleazar si Paolo Capino na nagwithdraw ng kanyang kandidatura kahapon.
Una nang sinabi noon ni Sotto na kukumbinsihin nila si Eleazar na tumakbo sa pagka-senador kapag tuluyan na itong bumaba bilang hepe ng pambansang pulisya.
Hindi naman binanggit ng mambabatas kung kailan maghahain ng kanyang substitution sa Comelec si Eleazar.
