SORSOGON CITY – Lusot na sa ikatlo at huling pagbasa sa Sangguniang Bayan ng Bulan ang pagkakaroon ng Blood Typing Program na nakatakdang ipatupad sa huling kwarto ng taon.
Ito ang kinumpirma ng Sangguniang Bayan sa panayam ng Brigada News FM Sorsogon.
Ayon kay Municipal Councilor Olaf Gotladera, malaking tulong ang pagkakaroon ng nasabing programa para sa pagkakaroon ng organisadong sistema ng mga bloodletting activities at mas mabilis na tugon tuwing mayroong mangangailangan ng dugo ang isang pasyente.
Nakapalaman sa naturang ordinansa ang pagkakaroon ng mga mobile blood typing kung saan ang pagkakaroon ng sapat na kaalaman sa blood type ng bawat tao ay di dapat binabalewala.
