Tinawag na “Epal” ni Atty. Ferdinand Topacio si Interior Secretary Benhur Abalos Jr.
Ito ay matapos ianunsyo ni Secretary Abalos sa isang facebook post na nahuli na si Kingdom of Jesus Christ Founder Pastor Apollo Quiboloy.
Sa isang pahayag, sinabi ni Topacio, ang legal counsel ni Quiboloy, na kusang sumuko ang kanyang kliyente sa Intelligence Service ng Armed Forces of the Philippines at hindi naaresto ng PNP sa ilalim ng DILG.
Dahil dito itinuturing na “epal to the highest level” daw si Abalos lalo na sa pag-angkin nito ng kredito para sa umano’y hindi nangyaring pag-aresto.
Samantala, sinabi ni Topacio na patuloy nilang ipagtatanggol an mga karapatan ni Quiboloy alinsunod sa Konstitusyon at mga umiiral na batas habang naghahanda para sa kanyang depensa.
