Naka-uwi na sa bansa matapos palayain ng Iranian Authorities ang tatlong natirang Filipino seafarers na sakay ng MSC Aries.
Ito ang inanunsyo ni Department of Migrant Workers Secretary Hans Leo Cacdac sa Saturday News Forum kaninang umaga.
Anya, nitong Huwebes pa naka balik sa bansa ang mga naturang marino.
Maaalalang binihag ng Iranian Revolutionary Guard ang sinasakyan nilang barko na MSC Aries habang bumabyahe sa may bahagi ng Strait of Hormuz noong April 13.
Sa 25 sakay na tripulante ng MSC Aries, apat dito ang mga Pilipino, kung saan una nang napauwi noong Mayo ang isa pang Pinoy.
