Makalihis an magnu-nwebeng taon, napasakamot na kan mga otoridad an sarong wanted sa kasong “frustrated murder” kasuodma, Pebrero 10, sa Centro Poblacion, syudad nin Calamba, probinsiya kan Laguna.
Segun sa report, nadakop kan pinagsarong esfuerso kan Manito MPS asin Calamba MPS an suspetsado na binistong si alyas “Jessie”, 33 anyos, paratinda asin residente kan Brgy. Buyo, Manito, Albay sa kusog kan mandahemiento de aresto na pirmado kan Setyembre 10, 2014 para sa nasambitan na kaso kun sain warang piyansang pigrekomendar an korte para sa saiyang temporarmenteng libertad.
Sa ngunyan, an suspetsado nasa kustodiya na kan Manito MPS para sa magkakanigong disposisyon.
