LAING 88 ka mga miyembro sa KaBrigadahan GenSan ang nahatagan og tabang sa ilang isig ka miyembro human nanginahanglan alang sa hospitalization ug mortuary assistance.
Adlawng Sabado, gitunol ang maong mga hinabang asa tulo gikan sa 88 nga personal nahinabi sa KaBrigadahan GenSan program sa pagpanguna ni Idol Brigada Elmer V.Catulpos ug Atty.Kan Balleque.
Segun ni Alma Cristobal taga EMB Homes, Brgy. Labangal nga usa ang KaBrigadahan nga nakatabang sa iyang bayrunon sa ospital human ma-admit sa ubo ug mapasalamaton sa nadawat nga tabang.
Si Joan Gubalani taga Zone 2, Saeg, Calumpang ang padayung gatigom og kwarta aron ibayad sa ilang excess sa pagpa-admit sa anak nga si
Shannaia Faith, 21-anyos nga naigo sa COVID-19.
Sa ilang dako pa nga bayrunon sa ospital, nakatabang ang natampo sa mga kauban sa KaBrigadahan mao nga hugot nagpasalamat.
Alang usab sa mortuary sa bana ang nadawat nga tabang ni Ana Leah Diparini, nga mapasalamaton usab tungod nahupay og gamay ang pag-abaga sa ilang kalisod.
Alang usab kang Idol Brigada Elmer V.Catulpos, nga bayani ang mga miyembro sa KaBrigadahan GenSan tungod pinaagi sa ilang pagtampo tampo bisan singko pesos, ubay ubay usab nga mga myembro sa KaBrigadahan Gensan ang natabangan.
