ANAA na sa 95 percent ang bed occupancy sa mga lawak nga gitagana alang sa mga pasyente sa COVID-19.
Kini ang gibutyag ni Antonio Veneracion, chief operating officer sa St. Elizabeth Hospital sa GenSan ug padayun pa ang pagtaas sa mga anaa sa waitlist nga pasyente.
Samtang sa ilang ICU, anaa na sa 100 percent ang occupancy ug wala nay kapasidad nga modawat og ICU cases sa COVID-19 ang ospital.
Ugaling may usa o duha nga mabakante, apan gilayun usab daw kini nga mabutangan.
Sa karon, nag-unang kakulangon kanila ug ubang ospital ang tambal nga
Tocilizumab ug oxygen apan medyo masustiniran pa.
Dugang ni Veneracion, sa ilang ospital sa bana bana niini anaa sa 5 out of 100 nga average nga pasyente sa COVID-19 ang makabsan sa kinabuhi.
Sa kabalaka niini nga usa sa duha nga gina-test sa RT-PCR sa ilang ospital, ang nagapositibo mao nga panawagan sa katawhan nga sundon gayud sa tinuod ang mga health protocols, istriktohan ang mobility sa tawo ug magpatuman og granular lockdown sa mga barangay nga taas ang kaso sa COVID-19.
