Sumaka it 80% ru tourist arrival sa isla it Boracay ku buean it Oktobre.
Sa record it Malay Tourism Office (MTO), naga-abot sa 32, 452 ru numero it tourist arrival, sumaka kun ikompara ku buean it Setyembre.
Naga-abot sa 22,251 ka mga turista ru halin sa National Capital Region (NCR), sinundan it 2,935 sa CALABARZON; 2, 049 sa Central Luzon; 1, 419 sa Western Visayas; 1, 476 ru mga Aklanons.
Gina saligan nga mas maga saka pa ru tourist arrival sa isla makarong nga holiday season.
Samtang, naging maeomo sa mga local tourist nga maga bakasyon sa isla dahil gin buoe eon ru requirement nga negative RT-PCR Test sa mga fully vaccinated nga individual.//MARIVIC Y. ILIN
