Base sa Provincial Health Office (PHO) 66% it mga namatay sa COVID-19 virus sa Iloilo hay mga senior citizen.
Sa 990 nga numero it mga namatay halin kat matabo ro pandemya ku nagtaliwan nga dag-on, 651 dikara hay mga senior citizen.
Base pa kay Dr. Maria Socorro Colmenares- Quiñon, PHO head, , mabahoe nga numero it mga senior citizen sa probinsiya hay uwa pa nabakunahan.
Bangud dikara, nagapanawagan si Quiñon sa publiko nga magbulig sa kampanya it pagbakuna.
Ku Nobyembre 2, ro probinsiya hay may 34,447 kabieogan nga kumpirmado nga kaso it coronavirus – 1,307 aktibo, 32,150 ro nakarekober ag 990 ro namatay./JIL B. LACSON
