Tumanggap ng apat hanggang anim na unit ng Construction Equipment ang walong District Engineering Offices sa Bangsamoro Autonomous Region in Muslim Mindanao (BARMM).
Ito ay matapos iturnover ng Ministry of Public Works and Highway (MPW-BARMM) ang 48 na kabuuang bilang ng mga heavy equipment para sa quick response ng lokal na pamahalaan lalo’t pagdating sa sakuna.
Sa panayam kay MPW Officer In Charge Danilo Ong sinabi nito na pangunahing layunin sa programa ay magkaroon ng kagamitan pagdating sa Infrastructural Development Project ang bawat distrito.
Abot sa 388,500,000 ang pondong inilaan ng ministeryo para sa pagresponde sa anumang sakuna na dumating sa mga mamamayan.
Bilang bahagi din ng paghahanda sa darating na panahon ng La Niña sa buong rehiyon. Ito rin ay mula sa buwis ng bayan kung saan binabalik lamang ng MPW sa pamamagitan ng mga proyekto.
Kabilang sa mga tumanggap ng Construction Equipment ang Engineering Offices ng Cotabato City, Lanao Del Sur I and II, Maguindanao, Basilan, Sulu I and II at Tawi-tawi.
