Bilang isa sa mga tikang sa pag-aksyon sang kapigaduhon sa pungsod, gintalakay sa seminar sang mga Local Government Units sa Capiz ang pagpasangkad kag pagpatuman sang Local Poverty Reduction Action Plan nga ginpangunahan sang National Anti-Poverty Commission sang Hulyo 25, sa gobyerno probinsyal.
Diri ginpahibalo sa mga partisipante ang mga aspeto sang action plan kag estratihiya agud masigurado nga matagaan sang pagtamud ang mga pumuluyo nga nagakinahanglan sang bulig.
Kadungan sini, diri man gintalakay ang Magna Carta of the Poor nga nagahinyo sa mga LGUs kag gobyerno nga aksyonan ang mga nagakinahanglan kag opurtunindad nga makahatag sa mga pumuluyo sang maayo nga pagpangabuhi.| Frances Joy Preciosa
