KORONADAL CITY – NASA 67 na benepisyaro sa South Cotabato ang nakatanggap ng tig P 15,000 na capital seed fund na kanilang magagamit sa pagsisimula ng pag-aalaga at pagpaparami ng kambing.
Ito ay sa ilalim ng Organic Livelihood Assistance Project ng provincial government sa pamamagitan ng Provincial Agricultures Office. Ang mga benepisyrayo ay kinabibilangan ng mga miyembro ng mga Rural Based Organizations katulad ng 4H, RIC, P4MP at VLAP, mga organic practitioners at convergence groups.
Ang naturang inisyatibo ng OPAg ay bahagi ng mga hakbang nito upang mapalakas ang organic agriculture program.
