CAMARINES NORTE- Naglaan ng halagang P571 million ang Department of Social Welfare and Development (DSWD) sa 37 bayan sa buong Bicol region para sa COVID response.
Ang Kapit-Bisig Laban sa Kahirapan – Comprehensive and Integrated Delivery of Social Services (DSWD KALAHI-CIDSS) ay naglaan ng naturang halaga ng pera para sa community-based projects bilang bahagi ng recovery efforts dahil sa epekto ng COVID- 19 pandemic.
Ang additional Financing – Community-Based Response for COVID-19 ay iimplement sa mga bayan ng Paracale, San Lorenzo Ruiz, San Vicente, Talisay at Vinzons.
Ayon kay Regional Director Leo Quintilla, ang pag- identify sa mga bayan ay base sa poverty incidence, income class at bilang ng mga barangay na labis na naapektuhan ng mga kalamidad simula 2014- 2020.
Sumailalim din umano ang mga bayang nabanggit sa capacity assessment para masigurong handa ang mga Local Government Units na makilahok sa implementasyon ng proyekto ngayong taon.
